Semana 16/22 decembro 2013

Golpes Bajos – No Mires a Los Ojos de la Gente

Spanish Popular

Escoitar

Spanish Popular

Os ‘Golpes Bajos’ de Germán Coppini, cecais os compoñentes máis xenuinos da ‘Movida Viguesa’, entre o puro extremo de ‘Siniestro Total’  e o “soft porn pop” de ‘Semen Up’ de Comesaña, e axeitados bos compañeiros de traballo e escenario dos reixanos ‘Resentidos’ , teñen este tema entre os doscientos mellores temas do pop das tribus ibéricas, segundo a revista ‘Rolling Stone España’.

Ainda que isto das listas sempre é moi aleatoriamente subxectivo, neste caso, e dado o carácter histórico na música popular ibérica que ten a ‘Movida Viguesa’, a súa inclusión nesa lista 200 está máis que xustificada.

America – Don't Cross The River

Classics

Escoitar

Classics

America – Ventura Highway

Classics

Escoitar

Classics

Coarenta e tres años de existencia da banda ‘America’ . O que nun comezo fora unha aventura de ‘teenagers’  -curiosamente nacida en Londres, onde por avatares da vida familiar vivían Gerry Beckley, Dewey Bunnell, and Dan Peek- convertiuse nun dos hitos máis harmónicos da historía da música popular.

Esta semana queremos ‘Cruzar o río’ con eles, e conducir placidamente pola pintoresca e escénica ‘Ventura Highway’ para desfrutar das súas ligadas e inspiradoras melodías. E facémolo dende o noso total rendemento a súa grandeza musical, tan simple e atractiva que fai que non pase o tempo por ela. E algo más que “un cabalo sen nome”, moito máis.

The Four Tops – Eleanor Rigby

Soul / Classics

Escoitar

Soul / Classics

O ‘Soul’ é tan grande e marabilloso que pode incluso engrandecer aínda máis o legado dos The 4 Fabs de Liverpool.

A desgarrada forza de The Four Tops, mesmo tan top como os de Liverpool, fai deste ‘Eleanor Rigby’ un intre, se cabe, máis intenso e hiperrealista da azarosa e triste  historia de Eleanor que Paul McCartney nos regalou orixinalmente aló polo 1966. 

Importante: estas músicas son para o desfrute do espíritu musical de cada un, non para o desfrute das descargas compulsivas. Non se pode descargar nada. Se lle agrada a vostede algo, penso que debería mercalo.

Semana 9/15 decembro 2013

China Crisis – Working With Fire And Steel

Techno

Escoitar

Techno

China Crisis -un dos paradigmas desa música Techno de tendencia durante tantos anos de século pasado- non é un grupo menor pola súa menor presenza na memoria colectiva das músicas dos anos oitenta.

O seu estilo elegante por simplista, efectivo por claro  e emotivo por lírico dan a este xénero musical tan apreciado por moitos/as oitenteiros/as unha tonalidade especial e íntima.  

Chuck Berry – Guitar Boogie (instrumental)

Rock & Roll

Escoitar

Rock & Roll

Todo o que se queira dicir xa de Chuck Berry a estas  alturas da súa película lexendaria pode soar oco e sen calado. Pero os que escoiten este tema instrumental, tan simple e tan fermosamente pintado con acordes e ‘pickings’ clásicos do estilo berriano, poderán voltar a soñar con que Chuck segue entre nós e ‘duckstepping all night long’.

Tan simple  e asemade tan polícromo como o rockin’ boogie pode selo.

The Cranberries – Salvation

Classics

Escoitar

Classics

The Cranberries foron, e son, todo un furacán xurdido da marabillosa musicalidade desa Irlanda tan pequena pero tan grande musicalmente. Esa mestura entre a lírica naïve da voz de Dolores  O’Riordan -non exenta da dureza necesaria para sobrevivir a ferocidade do mundo rock- e a potencia eléctrica e rítmica dos seus compañeiros Hogans e Lowler na súa exitosa aventura musical dende a última década do século XX.

Etiquetados de xeito variado -indie rock, alternative rock, celtic rock, dream pop, jangle pop e quen sabe que cousas máis- eles simplemente din que son “irlandeses en busca do acorde perdido no verdor da música popular”. 

Importante: estas músicas son para o desfrute do espíritu musical de cada un, non para o desfrute das descargas compulsivas. Non se pode descargar nada. Se lle agrada a vostede algo, penso que debería mercalo.