Picks musicais
Semana 16/22 decembro 2013
Os ‘Golpes Bajos’ de Germán Coppini, cecais os compoñentes máis xenuinos da ‘Movida Viguesa’, entre o puro extremo de ‘Siniestro Total’ e o “soft porn pop” de ‘Semen Up’ de Comesaña, e axeitados bos compañeiros de traballo e escenario dos reixanos ‘Resentidos’ , teñen este tema entre os doscientos mellores temas do pop das tribus ibéricas, segundo a revista ‘Rolling Stone España’.
Ainda que isto das listas sempre é moi aleatoriamente subxectivo, neste caso, e dado o carácter histórico na música popular ibérica que ten a ‘Movida Viguesa’, a súa inclusión nesa lista 200 está máis que xustificada.
Coarenta e tres años de existencia da banda ‘America’ . O que nun comezo fora unha aventura de ‘teenagers’ -curiosamente nacida en Londres, onde por avatares da vida familiar vivían Gerry Beckley, Dewey Bunnell, and Dan Peek- convertiuse nun dos hitos máis harmónicos da historía da música popular.
Esta semana queremos ‘Cruzar o río’ con eles, e conducir placidamente pola pintoresca e escénica ‘Ventura Highway’ para desfrutar das súas ligadas e inspiradoras melodías. E facémolo dende o noso total rendemento a súa grandeza musical, tan simple e atractiva que fai que non pase o tempo por ela. E algo más que “un cabalo sen nome”, moito máis.
O ‘Soul’ é tan grande e marabilloso que pode incluso engrandecer aínda máis o legado dos The 4 Fabs de Liverpool.
A desgarrada forza de The Four Tops, mesmo tan top como os de Liverpool, fai deste ‘Eleanor Rigby’ un intre, se cabe, máis intenso e hiperrealista da azarosa e triste historia de Eleanor que Paul McCartney nos regalou orixinalmente aló polo 1966.
Importante: estas músicas son para o desfrute do espíritu musical de cada un, non para o desfrute das descargas compulsivas. Non se pode descargar nada. Se lle agrada a vostede algo, penso que debería mercalo.
Semana 9/15 decembro 2013
China Crisis -un dos paradigmas desa música Techno de tendencia durante tantos anos de século pasado- non é un grupo menor pola súa menor presenza na memoria colectiva das músicas dos anos oitenta.
O seu estilo elegante por simplista, efectivo por claro e emotivo por lírico dan a este xénero musical tan apreciado por moitos/as oitenteiros/as unha tonalidade especial e íntima.
![51JDiA-q8-L._SL500_AA280_[1]](http://zatovisualworks.eu/blog/wp-content/uploads/2013/12/51JDiA-q8-L._SL500_AA280_1.jpg)
Todo o que se queira dicir xa de Chuck Berry a estas alturas da súa película lexendaria pode soar oco e sen calado. Pero os que escoiten este tema instrumental, tan simple e tan fermosamente pintado con acordes e ‘pickings’ clásicos do estilo berriano, poderán voltar a soñar con que Chuck segue entre nós e ‘duckstepping all night long’.
Tan simple e asemade tan polícromo como o rockin’ boogie pode selo.
![1245430135_64ab228348a0a999b5aec010.l[1]](http://zatovisualworks.eu/blog/wp-content/uploads/2013/12/1245430135_64ab228348a0a999b5aec010.l1.jpg)
The Cranberries foron, e son, todo un furacán xurdido da marabillosa musicalidade desa Irlanda tan pequena pero tan grande musicalmente. Esa mestura entre a lírica naïve da voz de Dolores O’Riordan -non exenta da dureza necesaria para sobrevivir a ferocidade do mundo rock- e a potencia eléctrica e rítmica dos seus compañeiros Hogans e Lowler na súa exitosa aventura musical dende a última década do século XX.
Etiquetados de xeito variado -indie rock, alternative rock, celtic rock, dream pop, jangle pop e quen sabe que cousas máis- eles simplemente din que son “irlandeses en busca do acorde perdido no verdor da música popular”.
Importante: estas músicas son para o desfrute do espíritu musical de cada un, non para o desfrute das descargas compulsivas. Non se pode descargar nada. Se lle agrada a vostede algo, penso que debería mercalo.
Semana 1/8 decembro 2013
.mp3)
Os Portas (The Doors) eran anxelinos ´par excellence’. Coñecían moi ben a cidade do glamour e das miserias humanas. E coñecían moi ben a certo tipo de féminas anxelinas, certamente non tan glamurosas e afortunadas.
Este é o seu homenaxe nun tema eterno e histórico -moito máis nesta versión alternativa do 40º aniversario do disco de lenda ‘LA Woman’ onde Densmore. Krieger, Manzarek e Morrison (a última súa oportunidade de lucidez artística) ofrecen o mellor de si mesmos cunha claridade de ideas musicais insuperábel- …
Värttinä é paradigma da música popular folclórica finesa. O seus músicos e grandes voces femininas fan dos seus traballos musicais unhas delicias auditivas.
‘Kadrilli’ é un exemplo da súa frescura e viveza instrumental.
Coma di o título deste tema, sen metáforas de ningún tipo o trío’Triana’ abriu a porta ao aggiornamento das músicas do sur ibérico. O seu tratamento dos sons sevilláns abriu as orellas dos que non eran tan folclóricos puros e simplemente -que non é pouco- querían música de fusión, rock de raíces do sur.
A voz firme e os teclados do finado Jesús de la Rosa, xunto coa labor impecábel de Eduardo Rodríguez e Juan José Palacios, facían que os temas de ‘Triana’ fosen máxicos e xa lenda na música popular ibérica.
Importante: estas músicas son para o desfrute do espíritu musical de cada un, non para o desfrute das descargas compulsivas. Non se pode descargar nada. Se lle agrada a vostede algo, penso que debería mercalo.
Semana 25/30 novembro 2013
Esta xoia é imperecedeira. É un auténtico clásico dos clásicos. Quen bota de menos a batería neste histórico experimento bluseiro -un auténtico ‘Turning point’- que fixo que Mayall se convertise nun mestre total: Pai e avó do World Blues. En Marte aínda lembran tamén este histórico momento musical.
Carlos Santana na súa plenitude tanto coma músico coma artista co extra do directo, Cecais esta versión non é mellor que a orixinal de estudo, pero é máis madura e está máis preto do século XXI -moi puñeteiro as veces-
A versión en salsa latina deste grande percusionista do xénero. O tema santanián é moi axeitado para o estilo salseiro de Tito Puente -plena enerxía caribeña-
Importante: estas músicas son para o desfrute do espíritu musical de cada un, non para o desfrute das descargas compulsivas. Non se pode descargar nada. Se lle agrada a vostede algo, penso que debería mercalo.
